ВЕЗИЛКА на ICT Innovations 2026

Работилницата „ВЕЗИЛКА и македонска ВИ: јазични модели, технологии и примени“ ќе ги претстави различните делови од процесот на развој на вештачка интелигенција за македонскиот јазик: од собирање и обработка на податоци, до развој и примена на јазични модели и практични апликации базирани на ВИ.

Учесниците ќе имаат можност да дознаат повеќе за работата на ВЕЗИЛКА во областа на препознавање говор, јазични податоци, OCR, јазични модели и локална инфраструктура за ВИ, како и за практични примени, меѓу кои и ВИ во образованието. Сите овие активности придонесуваат кон пошироката цел на ВЕЗИЛКА за зајакнување на националните капацитети за ВИ и поддршка на развојот на ВИ-технологиите за македонскиот јазик. 

Работилницата ќе се одржи во недела, 27 септември 2026 година, од 10:00 до 12:45 часот, во Салата Пијано во Хотел Дрим, Струга. Повеќе информации за програмата на ICT Innovations 2026 се достапни на: https://ictinnovations.org/programme.