Економски форум за вештачка интелигенција и HPC

ВЕЗИЛКА беше претставена на конвенцијата МИПРО (MIPRO), која се одржа во Опатија, Хрватска, од 25 до 29 мај.

Проф. д-р Игор Мишковски ја претстави ВЕЗИЛКА заедно со словенечката Антена за ВИ SLAIFA, унгарската и исландската Антена и Австриската Фабрика за ВИ на европски настан во врска со екосистеми за вештачка интелигенција и HPC и меѓугранични соработки, при што одржа постер-презентација и петминутно усно излагање.

Овој настан ја позиционира ВЕЗИЛКА во рамките на новонастанатата паневропска мрежа на Фабрики за ВИ, сигнализирајќи дека Антената на Северна Македонија е препознаена како рамноправен јазол во координираната инфраструктура за HPC и вештачка интелигенција..

Овој настан е од големо значење бидејќи видливоста на вакво ниво придонесува за развој на меѓугранични соработки, можности за интероперабилност и механизми за вклучување на малите и средните претпријатија.